YAYASAN BAGONG KUSSUDIARDJA Yogyakarta

YAYASAN BAGONG KUSSUDIARDJA

Almarhum Bagong Kussudiardja inggih punika salah setunggaling seniman saha budayawan ageng ingkang wonten ing Indonesia inggih punika wonten ing Kasihan, Bantul, Yogyakarta. Piyambakipun sampun kasil anggenipun ngrembakaaken visi kabudayan ingkang ancasipun mbangun manungsa Indonesia mawi seni saha kabudayan. Seni saha kabudayan punika sampun dipunwiwiti piyambakipun saking taun 1950-an, lajeng dipundamel lembaga pendidikan seni non formal taun 1987. Ing taun 2004, piyambakipun seda kanthi ninggalaken warisan arupi kreativitas ingkang inggil saha sawijining ‘padhepokan seni’ ingkang betahaken pengelolaan. Pamikiran kagem pengelolaan padhepokan seni punika ingkang nuwuhaken Yayasan Bagong Kussudiardja.

Yayasan Bagong Kussudiardja inggih punika lembaga nirlaba ingkang ngelola aset padhepokan seni minangka rumah budaya terbuka ingkang ancasipun kagem ngraketaken saha mbangun sesarengan seni kalian masyarakat. Yayasan Bagong Kussudiardja dipundamel kanthi orientasi minangka organisasi ingkang maringi layanan (service organization), mawi pengolahan saha ngrembakaaken praktek-praktek ing salebetipun aktivitas seni saha masyarakat.

Griya budaya Yayasan Bagong Kussudiardja ingkang gadhah papan udakara 5.000m² punika manggen wonten ing sawijining desa ing sangandhapipun gunung sempu (bukit sempu) ing tlatah kabupaten Bantul, udakara 20 menit saking kutha Yogyakarta, utawi 2 km saking kasongan (sentra industri tanah liat) ingkang caket kaliyan sentra padamelan wayang kulit (desa Krebet). Mapanipun wonten ing sisih kidulipun Ring Road Selatan (arah pabri gendhis Madukismo).

Budaya Yayasan Bagong Kussudiardja mapan wonten ing sapinggiring lepen Konteng, ingkang gadhah swasana ayom, ayem, asri. Fasilitas ingkang kasadhiyakaken inggih punika : sawijining studio ageng ingkang ugi damel ruang pertunjukan utami (12 m X 10,5 m), studio awujud arena, saha studio ingkang dipunbangun kanthi wujud arupi pendhapa. Sedaya studio multifungsi kagem mapinten-pinten aktifitas kreatif inggih punika, prosesi latian, diskusi, workshop lsp. Sanesipun ugi wonten studio rekaman (audio) digital, ruang latian musik karawitan (gamelan), kantor, toilet, saha area parker ingkang eca.

Yayasan Bagong Kussudiardja gadhah visi saha misi inggih menika:

Visi :

Dados griya budaya ingkang majeng kagem maringi kontribusi ingkang ngrembakaaken donya seni ing Indonesia minangka jembatan ingkang ngraketaken seni kaliyan masyarakat. Yayasan Bagong Kussudiardja gadhah ikhtiar kagem ngrangsang gairahipun perkembangan budaya saha perkembangan kreativitas masyarakat Indonesia, mawi peran aktif wonten ing seni, komunitas seni, saha sesarengan masyarakat kaliyan seni.

Misi :

Yayasan Bagong Kussudiardja inggih menika griya budaya nirlaba ing Yogyakarta ingkang mujudaken seni pertunjukan minangka media dialog saha pembelajaran kagem ngrangsang gairah kreativitas komunitas seni saha masyarakat. Yayasan Bagong Kussudiardja ngolah proses-proses pembelajaran bab seni saha ngginakaken seni minangka media, mawi presentasi karya seni pertunjukan, fasilitas pengembangan daya kerja kreatifseniman (artistik dan non artistik), ngrencanakaken saha mbangun program ingkang ningkataken peran aktif masyarakat sareng-sareng kaliyan seni.

Kagiatan-kagiatan ingkang asring dipunanakaken wonten ing Yayasan Bagong Kussudiardja inggih menika:

a.       Jagongan wagen

Program pagelaran saha apresisasi karya seni pertunjukkan ingkang dipunanakaken mawi cara terbuka saha rutin ing saben sasi wonten ing griya budaya Yayasan Bagong Kussudiardja.

Pagelaran seni pertunjukan inggih menika ruang sinergi ingkang nemokaken semangat sesarengan kaliyan energy kreatif saged ngrangsang inspirasi saha imajinasi ingkang ningkataken gairah hidup sehat saha ayom, ayem, tentrem. Mawi program punika, Yayasan Bagong Kussudiardja pitados saha gadhah pamanggih menawi makna kekiatan ruang pementasan seni pertunjukan minangka media saha sarana kagem sami-sami sinau. Inggih punika bab energi kreatif saha kreativitas ingkang kedah dipun jagi saha dipuntuwuhaken.

Jagongan inggih punika kreativitas kempal sesarengan saha nindhakaken rerembugan wonten ing swasana ingkang santai saha akrab. Wagen, punika amargi boten sengaja wiwitanipun dipunanakaken, ugi punika dipunpitados minangka perputaran waktu. Boten mesti kedah wage,ingkang wigatos saben sasi punika wonten Jagongan Wagen. Wonten kempal-kempal, pentas seni pertunjukkan,saha wonten rerembugan. Saengga Jagongan Wagen punika minangka adicara ingkang dipuntengga-tengga ing saben sasinipun.

b.      Muara

Program fasilitasi dialog kreatif lintas media seni saha lintas budaya.

Ketemunipun aliran lepen kaliyan segara, punika ingkang dipunsebat muara. Wonten ing konteks pertemuan, ing program Muara Yayasan Bagong Kussudiardja inggih menika fasilitasi ruang saha peluang ingkang nepungaken seniman (komunitas seni) lintas disiplin bidang/media seni saha utawi lintas budaya, kagem sami-sami nindhakaken aktifitas (kreatif) pembelajaran sesarengan. Fasilitasi ruang pertemuan ingkang maringi peluang dialog punika boten namung kagem ngrembakaaken sawijining wujud seni pertunjukan enggal utawi pengriptaning karya ingkang dipuntandhangi sareng-sareng, ananging punika langkung kagem ningkataken daya kritis saha perspektif nalika nyinauni saha mangertosi keberagaman saha perkembangan wujud seni, ketrampilan (teknik) seni ingkang beda, metode proses kreatif pangriptaning karya seni pertunjukan, saha kekiatan budaya ingkang dados undheraning perkawis para seniman.

c.       Among sedulur

Fasilitasi kagiatan kreatif kanthi mumpangataken seni pertunjukan minangka dhasaring pasinanon saha aktivitas bab seni ingkang ngangkat saha ndherekaken masyarakat wonten ing salebeting saha sareng-sareng kaliyan seni.

Among sedulur punika kaperang dados kalih kasiatan ingkang utami, inggih punika:

·         Anjangsana

Apresiasi seni kanthi wujud pagelaran karya seni pertunjukan ingkang gadhah nilai edukasi dhateng masyarakat.

·         Among seni

Aktivitas berbasis seni ingkang langsung saha aktif ndherekaken masyarakat ngolah daya kreativitas saha proses pangripta ingkang gadhah nilai sesarengan.